CCSR - Adnodd Cymorth Comisiynu ar gyfer Plant
Beth yw ccsr?
Mae ccsr yn wasanaeth sy’n cefnogi’r broses o ddod o hyd i leoliadau gofal addas i blant sy’n derbyn gofal yng Nghymru. Mae’n fenter lywodraeth gysylltiedig lwyddiannus, â’i phartneriaid yn cynnwys Llywodraeth Cynulliad Cymru, Cymdeithas Llywodraeth Leol Cymru a Chymdeithas Cyfarwyddwyr Gwasanaethau Cymdeithasol Cymru.
Yr Uned Ddata Llywodraeth Leol sy’n darparu’r gwasanaeth sy’n cwmpasu cronfa ddata amser-real sy’n gadael defnyddwyr i baru plant gyda darpariaeth sy’n seiliedig ar eu proffil gofynion.
Sut mae ccsr yn gweithio?
Mae cronfa data ccsr yn cadw manylion ar leoliadau gofal a llefydd gwag gan amryw o ddarparwyr gofal, gan gynnwys cartrefi gofal a gofalwyr maeth. Caiff y rhain eu diweddaru’n rheolaidd can y darparwyr, ac felly’n sicrhau bod ccsr yn darparu’r wybodaeth fwyaf diweddar posib.
Fe all timau lleoli a chomisiynwyr awdurdodau lleol ddefnyddio’r gronfa ddata i ganfod lleoliadau addas ar gyfer y plant y maent yn gofalu amdanynt wrth gofnodi gofynion pob plentyn a rhedeg chwiliad. Bydd y gronfa ddata yn dychwelyd rhestr fer o’r holl leoliadau addas yn seiliedig ar yr wybodaeth wedi ei darparu. Cedwir hanes o chwiliadau a’u canlyniadau er mwyn eu cyfeirio atynt yn y dyfodol.
Ydy ccsr yn cadw gwybodaeth ar blant?
Na. Nid yw’r gronfa yn cadw unrhyw ddata personol ar blant. Ond cadw gwybodaeth ar leoliadau sy’n diwallu eu hanghenion y mai’r system.
Beth arall y mae ccsr yn ei ddarparu?
Ar wahân i gynnal y gronfa ddata, mae tîm ccsr yn rhoi cymorth gweithredol i ddarparwyr ac awdurdodau lleol, gan gynnwys mentrau rhanbarthol.
Rydym yn rhedeg desg gymorth ccsr pwrpasol ac yn darparu hyfforddiant ar ddefnyddio’r gronfa data. Rydym yn cyhoeddi gwybodaeth reoli’n gyson ar y nifer a’r math o ofynion wedi eu chwilio amdanynt, ynghyd â lefel y llefydd gwag wedi eu rhestri i hysbysu comisiynu ar lefel lleol a chenedlaethol. Rydym hefyd yn rhan o sicrhau bod unrhyw gytundebau cyn-leoli wedi eu diweddaru ac ar gael ar lein fel rhan o ccsr.
Eisiau mwy o wybodaeth?
Am fwy o wybodaeth, anfonwch e-bost at ccsr@unedddatacymru.gov.uk neu ffoniwch 029 2090 9540 a gofynnwch am cssr.
