Ein hadroddiadau

Cawsom ein comisiynu gan Gymdeithas Llywodraeth Leol Cymru (CLlLC) i nodi a deall y blaenoriaethau tymor canolig ar gyfer gofal cymdeithasol yng Nghymru.

Cynhaliom arolwg a chyfres o grwpiau ffocws ymhlith uwch aelodau cyngor a swyddogion yn ogystal â sefydliadau eraill sy’n cyflenwi, neu’n cefnogi, gofal cymdeithasol yng Nghymru.

Roedd ystyriaethau o ran y gweithlu, cyllid, ac anghenion cymhleth sy’n gysylltiedig â phoblogaeth sy’n heneiddio yn bryderon allweddol a gafodd eu codi gan gyfranogwyr.

Cafodd yr adroddiad gyhoeddi gan CLlLC.

Ar ran y 22 awdurdod lleol yng Nghymru, cawsom ein comisiynu gan Lywodraeth Cymru i gynnal arolwg o’r holl ymgeiswyr a oedd yn sefyll yn etholiadau llywodraeth leol ym Mai 2022.

Cafodd yr arolwg ei anelu at Gynghorwyr Sir a Chynghorwyr Tref a Chymuned ac ymgeiswyr. Gofynnwyd set benodedig o gwestiynau iddynt am eu nodweddion cymdeithasol-demograffaidd.

Bydd yr arolwg yn cael ei ailadrodd yn ystod pob etholiad cyffredin er mwyn olrhain newidiadau yn nodweddion Cynghorwyr ac ymgeiswyr dros amser.

Cafodd crynodeb a’r adroddiad llawn eu cyhoeddi gan Lywodraeth Cymru.

Nod yr ymchwil hon oedd deall pa ddata cyfryngau cymdeithasol a oedd ar gael, sy’n gallu cael ei ddefnyddio ac sydd o fudd i’r sawl sy’n gwneud penderfyniadau mewn llywodraeth leol yng Nghymru.

Adolygom ni bedwar opsiwn am gyrchu data Twitter a chael bod gan bob un ei rinweddau ei hun. Yn y pen draw, darganfuom fod offeryn a gafodd ei ddatblygu gan Brifysgol Caerdydd (COSMOS) oedd y dull symlaf a mwyaf cost-effeithiol o gasglu data Twitter, yn ogystal â chael mynediad i allu dadansoddol sylfaenol.

Yn yr  adroddiad, hwn, dangoswn fod modd cyrchu data cyfryngau cymdeithasol defnyddiol yn gyflym, yn hawdd, yn foesegol, ac yn rhad.

Ein gobaith yw y bydd y peilot hwn yn sbarduno ffyrdd pellach, a mwy arloesol, o ddefnyddio data cyfryngau cymdeithasol ar draws llywodraeth yng Nghymru.

Cawsom ein comisiynu gan y bedair Partneriaeth Sgiliau Rhanbarthol yng Nghymru i adolygu’r data sydd ar gael ynghylch y pontio i economi werdd, a’r effaith a gâi hynny ar farchnadoedd llafur a sgiliau lleol.

Pontio i economi werdd yw un o heriau pennaf ein hoes ni. Er mwyn cyflawni ymrwymiadau amgylcheddol, mae’n rhaid i’r farchnad lafur newid. Mae ein hadroddiad yn cynnig dealltwriaeth o’r heriau sydd o’n blaen i’r Partneriaethau. Yn benodol, mae’n dod â data, ymchwil a gwybodaeth ynghyd am dueddiadau presennol a rhagamcanol mewn marchnadoedd llafur lleol.

Yn yr  adroddiad, hwn, amlinellwn y ffynonellau data pennaf sydd ar gael yn gyhoeddus, ac aseswn y swyddi gwyrdd a’r heriau sgiliau o fewn sectorau allweddol economi Cymru, ac o fewn rhanbarthau’r Partneriaethau.

Cyhoeddwyd yr adroddiad gan Bartneriaeth Sgiliau Rhanbarthol Gogledd Cymru.

Mae Cynorthwywyr Personol yn darparu gofal uniongyrchol i unigolion lle maen nhw’n byw, gofal sy’n canolbwyntio ar yr unigolyn, gyda’r nod o wella llesiant. Mae cynorthwywyr personol yn rhan o’r tirlun gofal cymdeithasol ond fel arfer yn cael eu cyflogi gan y sawl sydd angen cefnogaeth yn hytrach na chan awdurdod lleol neu asiantaeth ofal.

Comisiynodd Llywodraeth Cymru Sefydliad Iechyd a Gofal Cymdeithasol Cymru i gynnal astudiaeth er mwyn casglu gwybodaeth ar bwy yw Cynorthwywyr Personol, ble maen nhw’n gweithio, pryd, ac o dan ba amodau.

Cawsom ni ein comisiynu gan y Sefydliad i ddylunio, cynnal, a dadansoddi arolygon o Gynorthwywyr Personol yng Nghymru. Roedd yr wybodaeth a gasglom ni o bob rhan o Gymru yn hanfodol i ddeall heriau lleol a heriau cenedlaethol fel ei gilydd.

Cyhoeddwyd yr  adroddiad gan Lywodraeth Cymru.

Cawsom ein comisiynu gan Ysgol Ymchwil Rhagnodi Cymdeithasol Cymru i gynhyrchu a chynnal arolwg gwaelodlin er mwyn deall tirlun gweithgarwch rhagnodi cymdeithasol ledled Cymru, a lle bu’n bosibl, meintoli a disgrifio ei swyddogaethau.

Cyhoeddwyd yr  adroddiad (Saesneg yn unig) gan Ysgol Ymchwil Rhagnodi Cymdeithasol Cymru.

Cawsom ein comisiynu gan y Bwrdd Comisiynu Cenedlaethol i nodi ac adolygu’r data sydd ar gael ynghylch sefydlogrwydd marchnadoedd gofal yng Nghymru. Gweithiom ni’n agos gyda’r Bwrdd Comisiynu Cenedlaethol a Chonsortiwm Comisiynu Plant Cymru i gyrchu a dadansoddi’r data roedden nhw’n ei gadw neu roedd ganddyn nhw fynediad iddo.

Cyhoeddwyd yr  adroddiad gan Gymdeithas Llywodraeth Leol Cymru.

Cawsom ein comisiynu gan Sefydliad Iechyd a Gofal Cymdeithasol Cymru i ddatblygu a rheoli arolwg o gyflogwyr staff gofal cymdeithasol sy’n darparu gofal uniongyrchol i oedolion a phlant. Edrychodd yr arolwg ar dâl ac amodau ar draws y gweithlu.

Datblygom ni bum holiadur, wedi eu hanelu at awdurdodau lleol, cyflogwyr y sector annibynnol, cyflogwyr y trydydd sector, a byrddau / ymddiriedolaethau iechyd y GIG yng Nghymru.

Edrychom ni ar y data o fewn ac ar draws y sectorau hyn a’u lleoliadau gofal, gan ddadansoddi’n benodol tâl, mathau o gontract, opsiynau contract ac ychwanegiadau, yn ogystal â recriwtio a chadw staff.

Cyhoeddwyd yr  adroddiad gan Lywodraeth Cymru.