Ymgysylltu â dinasyddion: Cyflwyniad i ddylunio a rhedeg grwpiau ffocws

Nod

I'ch cyflwyno i rai awgrymiadau, offer ac adnoddau gorau i'ch helpu i ddylunio a rhedeg grŵp ffocws.

Mae’r cwrs yn fwriadol ‘sylfaenol’ ei ddull a’i gynnwys, ac wedi’i anelu at ddechreuwyr. Nid oes angen unrhyw wybodaeth flaenorol am ddylunio a rhedeg grŵp ffocws.

Cynnwys

Yn aml defnyddir grwpiau ffocws i ymgysylltu â grŵp bach o ddinasyddion i ddeall sut maen nhw'n teimlo am fater, polisi, cynnyrch, neu berson. Fel arfer maen nhw'n cynnwys chwech i wyth o gyfranogwyr yn cael eu harwain drwy drafodaeth gan un neu ddau o hwyluswyr.

Mae ein cwrs hyfforddiant yn cynnig cyngor ac arweiniad ymarferol i’ch helpu i ddeall pam, sut a phryd byddech chi’n trefnu ac yn cynnal grŵp ffocws i gefnogi’ch gwaith chi.

Canlyniadau

Erbyn diwedd y cwrs, byddwch yn deall:

• beth yw grwpiau ffocws, eu pwrpas, a phryd i’w defnyddio
• yr elfennau allweddol mae eu hangen i ddylunio grwpiau ffocws
• sut i ddewis cyfranogwyr a sicrhau cyfranogiad, gan gynnwys dulliau i ennyn diddordeb - cyfranogwyr anodd-eu-cyrraedd
• sut i redeg grŵp ffocws.

Lawrlwythwch ein canllaw rhad ac am ddim i gynllunio a chyflwyno grwpiau ffocws

A byddai 100% o fynychwyr yn argymell yr hyfforddiant hwn i gydweithiwr

“…bydd yr hyn a ddysgom yn llywio’r gwaith o gynllunio a chyflwyno sesiwn grŵp ffocws…”
Mynychwyr y cwrs

Diddordeb gennych?

I gadw lle ar y cwrs hwn ewch i TicketSource (Saesneg yn unig) i weld y dyddiadau a’r amserau sydd ar gael. Rydym yn defnyddio TicketSource fel ein system e-docynnau, a bydd eich data personol yn cael ei brosesu yn unol â'i pholisi preifatrwydd (Saesneg yn unig). Byddwn ni (CLlLC) yn defnyddio unrhyw wybodaeth a roddir i gydgysylltu â chi ynghylch â'r cwrs hwn a byddwn yn storio’r wybodaeth hon nes bod y cwrs drosodd. Byddwn yn rhannu’ch gwybodaeth â chydweithwyr perthnasol CLlLC a hwyluswyr allanol eraill, yn ôl yr angen. Rydym yn prosesu data personol yn unol â Deddf Diogelu Data 2018. Mae ein hysbysiad preifatrwydd ni ar gael ar ein gwefan. 

Gallwn hefyd ddarparu cyrsiau hyfforddi yn benodol ar gyfer eich sefydliad. Fel arfer, rydym yn cyfyngu rhifau i 15 ond gallwn ddarparu hyfforddiant ar adeg a dyddiad sy'n addas i chi am hyd at 20 o gynrychiolwyr. Y gost yw:

• Tu allan i lywodraeth leol - £750 a TAW
• Awdurdodau lleol Cymru - £600 a TAW

Angen mwy o wybodaeth?

Os hoffech chi gael rhagor o wybodaeth am y cwrs hwn, cysylltwch â Róisín Roberts. Róisín yw ein swyddog Mewnwelediad ac Ymgysylltu Data. Mae hi'n cefnogi ein gwaith ymgysylltu a gwella. Mae hi hefyd yn arwain ein rhaglen waith meithrin gallu.

029 2090 9599

Roisin.Roberts@wlga.gov.uk